அஸ்ஸலாமு அலைக்கும் வரஹ்.. VKALATHUR.IN இணையதளம் தங்களை அன்புடன் வரவேற்கிறது...










பெரம்பலூர் மாவட்டத்தில் பெரம்பலூர், பாடாலூர், செட்டிக்குளம், வேப்பந்தட்டை, தழுதாழை ஆகிய 5 இடங்களில் மட்டுமே மழை அளவிடும் கருவிகள் அமைக்கப்பட்டிருந்தன. ஆலத்தூர் வட்டத்தில் 2 இடங்களிலும், வேப்பந்தட்டை வட்டத்தில் 2 இடங்களிலும் பெரம்பலூர் வட்டத்தில் ஒரு இடத்திலும் மழை அளவிடும்
கருவிகள் அமைக்கப்பட்டிருந்தன.
குன்னம் பகுதி விவசாயிகள் உள்ளிட்டோரின் தொடர் கோரிக்கையின் பேரில், பெரம்பலூர் மாவட்டத்தில் கூடுதலாக 6 இடங்களில் மழை அளவிடும் கருவிகள் அண்மையில் அமைக்கப்பட்டன. குன்னம் வட்டத்தில் லப்பைக்குடிகாடு, அகரம் சீகூர், புதுவேட்டக்குடி ஆகிய இடங்களிலும், வேப்பந்தட்டை வட்டத்தில் எறையூர், வி.களத்தூர், கிருஷ்ணாபுரம் ஆகிய இடங்களிலும் புதிதாக மழை அளவிடும் கருவிகள் பொருத்தப்பட்டன. மேற்கண்ட இடங்களில் அமைக்கப்பட்ட மழை அளவிடும் கருவிகள் முதன்முறையாக மழை அளவை பதிவு செய்தன.
புதன்கிழமை காலை 8 மணி வரை பெரம்பலூர் மாவட்டத்தில் பெய்த மழை அளவு (மி.மீ.,) செட்டிக்குளம் - 2, பெரம்பலூர் - 25, வேப்பந்தட்டை- 3, தழுதாழை - 7, பாடாலூர்- 2, எறையூர்- 4.1, லப்பைக்குடிகாடு - 24, அகரம் சீகூர் - 0, கிருஷ்ணாபுரம் - 2, வி.களத்தூர்- 1, புதுவேட்டக்குடி- 17. மாவட்டத்தின் சராசரி மழை அளவு 7.92 மமில்லி மீட்டர் எனப் பதிவாகியுள்ளது அப்பகுதி விவசாயிகளிடையே மகிழ்ச்சியை ஏற்படுத்தியுள்ளது.




மழையை அளப்பது எப்படி? விளக்கம் இதோ

மழையை சாதாரண மழைமானி மூலம் அளவிடலாம். அஃது 100மிமீ (4 அங்குலம் பிளாஸ்டிக்) அல்லது 200மிமீ(8அங்குலம் உலோகம்) என்ற அளவுகளில் இருக்கும். சாதாரண மழை மானி ஆடி அல்லது உலோகத்தால் ஆன இரண்டு நீளுருளைகளையும் ஒரு புனலையும் கொண்டது. உட்புற உருளை 0மிமீ முதல் 25மிமீ (0.98 அங்குலம்) வரை அளவுகள் குறிக்கப்பட்டிருக்கும். உட்புற உருளையின் மேல் உள்ள புனல் மழை நீரை அந்த உருளைக்குள் செலுத்துமாறு அமைக்கபட்டிருக்கும். உட்புற உருளை நிறைந்தபின் மழை நீர் மேற்புற உருளையில் சேகரிக்கப்படும்.




அளவிடும் முறை




பொதுவாக ஒவ்வொரு 24 மணிநேரத்திற்கும் மழை அளவிடப்படும். எனவே மழையை அளவிடும்முன் நேரத்தை குறித்துக்கொள்வது அவசியம். மழைமானியை ஒரு பொதுவான, இடர்பாடுகள் இல்லாத இடத்தில் மழை பெய்யும் நேரத்தில் திறந்து வைக்கவும். சரியாக 24 மணிநேரத்திற்கு பிறகு மானியில் உள்ள நீரின் அளவை மில்லி லீட்டர் அளவில் எடுக்கவேண்டும். நீர் ஒரு திரவம் என்பதால் மில்லி லீட்டர்என்ற அளவைவிட லீட்டர் என்ற அளவில் மாற்றினால் தெளிவாக இருக்கும். மழையை அளவிடும் SI அலகு மில்லி லீட்டர் ஆகும்.




“ஒரு மில்லிமீட்டர் மழை அளவு என்பது ஒரு லிட்டர் / ஒரு சதுர மீட்டருக்கு சமம்.”




எனவே, 10மிமீ மழை என்று பதிவானால், அதை 10 லிட்டர் / சதுர மீட்டர் என்று எடுத்துகொள்ளவும். ஒரு ஊரில் எவ்வளவு மழை பெய்துள்ளது என கணக்கிட, அந்த ஊரின் பரப்பளவு(சதுர மீட்டரில்) தெரிந்திருக்க வேண்டும். சென்னையின் பரப்பளவு 174 சதுர கிலோமீட்டர் (174 x 10,00,000 சதுர மீட்டர்). எனவே சென்னையில்1mm மழை என்பது 17,40,00,000 லீட்டர்மழை பெய்ததாகக்கொள்ளலாம்

0 கருத்துரைகள்:

கருத்துரையிடுக

இந்த வலைதளம் வளர்ச்சிக்கு நிறை-குறைகளை சுட்டி காட்டவும்.உங்கள் வருகைக்கு ரோம்ப நன்றி.

 
Top
-