அஸ்ஸலாமு அலைக்கும் வரஹ்.. VKALATHUR.IN இணையதளம் தங்களை அன்புடன் வரவேற்கிறது...


டிச.24
துபையில் அடுத்த வாரம் சுற்றுலா முக்கியத்துவமிக்க ஃபிரேம் பில்டிங் திறக்கப்படுகிறது.

துபையில் சுற்றுலா ஈர்ப்பின் இன்னொரு முக்கிய அம்சமாக கட்டப்பட்டு வந்த போட்டோ சட்டகம் வடிவிலான Frame Building அல்லது Berwaz Dubai என அழைக்கப்படுகின்ற ஃபிரேம் பில்டிங் திறக்கப்படுகிறது என்றாலும் உறுதியான தேதி அறிவிக்கப்படவில்லை.

அடுத்த வாரம் இந்த ஃபிரேம் பில்டிங் அதிகாரபூர்வமாக திறக்கப்பட்ட அடுத்த நாள் முதல் பொதுமக்கள் பார்வைக்கு திறந்துவிடப்படும் என துபை மாநகராட்சியின் முதன்மை இயக்குனர் ஹூஸைன் நாஸர் லூத்தா அவர்கள் தெரிவித்தார்.

துபை சபாரி பார்க் போன்று இலவச அனுமதி ஏதும் கிடையாது என்றும் பெரியவர்களுக்கு 50 திர்ஹமும் குழந்தைகளுக்கு 30 திர்ஹமும் நுழைவுக் கட்டணமாக வசூலிக்கப்படும் என்றும் விளக்கப்படுத்தினார்.

இந்த இரட்டை கோபுர ஃபிரேம் பில்டிங் 150 மீட்டர் உயரத்திற்கு நிர்மானிக்கப்பட்டுள்ளதுடன் மேல் தளத்தின் ஒரு பகுதி கண்ணாடி பாலமாக அமைக்கப்பட்டுள்ளது. (Dubai Frame, the iconic twin tower project with a 150-metre-high glass bridge observation deck will open next week)

இந்த கோபுரத்தின் உச்சிக்கு செல்வதன் மூலம் துபை மாநகரின் முழுஅமைப்பையும் 360 டிகிரி கோணத்தில் ரசிக்க இயலும்.
இதற்கான நுழைவுச் சீட்டுக்களை இணைய தளம் வழியாகவும், ஃபிரேம் பில்டிங் நுழைவாயிலில் உள்ள கவுண்டரிலும் பெற்றுக் கொள்ளலாம். ஒரே நேரத்தில் நிர்ணயிக்கப்பட்ட அளவிற்கு மட்டுமே பொதுமக்கள் மேலே செல்ல அனுமதிக்கப்படுவர். ஆண்டுக்கு 2 மில்லியன் சுற்றுலாவாசிகள் இங்கு வருகை தருவர் என்றும் எதிர்பார்க்கப்படுகிறது.

கட்டிடத்திற்கு கீழ் அமைக்கப்பட்டுள்ள அழகிய நீரூற்றுக்கள் (Water Fountains), தரை தளத்தில் அருங்காட்சியகம் (Museum) ஆகியவற்றையும் பார்த்து ரசிக்க அனுமதிக்கப்படுவர். பழைய துபையின் கட்டுமானங்கள், நடைபெற்றுக் கொண்டுள்ள கட்டுமானங்கள் மற்றும் வானுயர்ந்து நிற்கும் நவீன கட்டுமானங்கள் என முக்காலத்தையும் (Past, Present & Future) முப்பரிமாண வடிவில் (3D) ரசிக்கலாம்.

Source: Gulf News


நன்றி-அதிரைநியூஸ் 

0 கருத்துரைகள்:

கருத்துரையிடுக

இந்த வலைதளம் வளர்ச்சிக்கு நிறை-குறைகளை சுட்டி காட்டவும்.உங்கள் வருகைக்கு ரோம்ப நன்றி.

 
Top
-