அஸ்ஸலாமு அலைக்கும் வரஹ்.. VKALATHUR.IN இணையதளம் தங்களை அன்புடன் வரவேற்கிறது...


டிச.26
ஷார்ஜா பார்க்கிங் மீட்டர் மீது ஸ்டிக்கர் நோட்டீஸ் ஒட்டுபவர்கள் மீது 500 திர்ஹம் அபராதம்

ஷார்ஜா கார் பார்க்கிங் மீட்டர்கள் மீது ஸ்டிக்கர், நோட்டீஸ் ஒட்டுபவர்கள் கிறுக்குபவர்கள் கைது செய்யப்படுவதுடன் அவர்கள் மீது 500 திர்ஹம் அபராதத்துடன் பராமரிப்பு கட்டணமும் வசூலிக்கப்படும் எனவும் பார்க்கிங் இன்ஸ்பெக்டர்களுக்கு குற்றவாளிகளை பிடிக்க அதிகாரம் வழங்கப்பட்டுள்ளதாகவும் ஷார்ஜா மாநகராட்சி தெரிவித்துள்ளது.

தனிப்பட்ட நபர்களும் சில நிறுவனங்களும் பார்க்கிங் மீட்டர்கள், சுவர்கள், போன் பூத்துக்கள், பஸ் நிறுத்தங்கள், ரவுண்டபோட்கள், பெட்டிக்கடைகள் (Groceries), சூப்பர் மார்க்கெட்கள் என எங்கும் ஸ்டிக்கர் ஒட்டுவது, நோட்டீஸ் ஒட்டுவது, படம் வரைவது, பெயர்களை கிறுக்கிச் செல்வது போன்ற குற்றங்களில் ஈடுபடுகின்றனர். இவர்களால் சாதனங்கள் கேடாவதுடன் நகரின் அழகும் கெடுகிறது.

இவர்களை பிடிக்க 24 மணிநேரமும் கண்காணிப்பு தீவிரமாக்கப்படுவதுடன் அந்தந்த பொருட்கள் மீதான பராமரிப்பு கட்டணம் (Maintenance charge), தொழிலாளர் கூலி (Labour charge for removal) போன்ற கூடுதல் செலவுத்தொகையுடன் 500 திர்ஹம் அபராதமும் விதிக்கப்படுவதுடன் கம்பி எண்ணவும் நேரிடும் என எச்சரித்துள்ளனர்.

0 கருத்துரைகள்:

கருத்துரையிடுக

இந்த வலைதளம் வளர்ச்சிக்கு நிறை-குறைகளை சுட்டி காட்டவும்.உங்கள் வருகைக்கு ரோம்ப நன்றி.

 
Top
-