அஸ்ஸலாமு அலைக்கும் வரஹ்.. VKALATHUR.IN இணையதளம் தங்களை அன்புடன் வரவேற்கிறது...


பஹ்ரைனில் இளம் பெண் பத்திரிக்கையாளர் தனது 6 வயது மகன் முன் நடுரோட்டில் வைத்து அரச குடும்பத்தினர் ஒருவரால் சுட்டுக் கொல்லப்பட்டுள்ள சம்பவம் பரபரப்பை கிளப்பியுள்ளது.

மாநில தொலைக்காட்சியில் விளையாட்டு பத்திரிக்கையாளராக பணியாற்றி வந்த 28 வயதான Eman Salehi என்ற பெண்ணே கொல்லப்பட்டுள்ளார். டிசம்பர் 23ம் திகதி Riffa நகரத்திலே இக்கொடூர சம்பவம் நடந்துள்ளது.

சம்பவத்தன்று மர்ம நபர் ஒருவர் Eman Salehiயின் காரை நிறுத்தி அவரை தலையில் சுட்டுக் கொன்றுள்ளார். பின்னர், அவராகவே அதிகாரிகளிடம் சரணடைந்ததாக தகவல்கள் வெளியாகியுள்ளது.

துப்பாக்கி சூட்டில் ஈடுபட்ட நபர் பஹ்ரைனை ஆளும் அல் கலிபா அரச குடும்பத்தைச் சேர்ந்தவர் எனவும், 34 வயதான அவர் பஹ்ரைன் பாதுகாப்பு படை அதிகாரியாகவும் பணியாற்றி வருவதாக கூறப்படுகிறது.

எனினும், தற்போது வரை கொலைக்கான காரணம் தெரியவரவில்லை. குற்றவாளி காவலில் இருக்கும் நிலையில் சம்பவம் குறித்து ஆயுதப் படை தீவிர விசாரணை மேற்கொண்டு வருவதாக நாட்டின் இராணுவ நீதிமன்றம் தெரிவித்துள்ளது.

0 கருத்துரைகள்:

கருத்துரையிடுக

இந்த வலைதளம் வளர்ச்சிக்கு நிறை-குறைகளை சுட்டி காட்டவும்.உங்கள் வருகைக்கு ரோம்ப நன்றி.

 
Top
-