அஸ்ஸலாமு அலைக்கும் வரஹ்.. VKALATHUR.IN இணையதளம் தங்களை அன்புடன் வரவேற்கிறது...


துபாய், டிச-29
துபையில் வசிக்கும் அனைவரும் 2016 ஜூன் மாதத்திற்குள் கட்டாய மருத்துவ இன்ஸூரன்ஸ் செய்திருக்க வேண்டும் என்ற சட்டம் கொண்டு வரப்பட்டு பின்பு அது 2016 டிசம்பர் இறுதிவரை நீட்டிக்கப்பட்டது, மேலும் கால அவகாச நீட்டிப்பு இல்லை என்றும் தவறுபவர்கள் மாதம் ஒன்றுக்கு 500 திர்ஹம் அபராதம் செலுத்துவதுடன் அவர்களுக்கு புதிய விசாக்கள் மறுக்கப்படுவதுடன் விசா புதுப்பித்தலும் செய்யப்படாது எனவும் எச்சரிக்கப்பட்டுள்ளனர்.

துபையில் வசிக்கும் சுமார் 98 சதவிகிதத்தினர் (சுமார் 4 மில்லியன்) ஏற்கனவே இன்ஸூரன்ஸ் எடுத்திருக்கும் நிலையில் சுமார் 80,000 பேர் மட்டுமே இன்னும் எஞ்சியிருக்கின்றனர். இவர்களில் பலர் உடனிருக்கும் கணவன் அல்லது மனைவி, குழந்தைகள் மற்றும் வீட்டுப் பணியாளர் போன்றோரே அதிகம்.

அடிப்படை அத்தியாவசிய இன்ஷூரன்ஸ் தொகுப்பு (Basic essential package) எனப்படும் திட்டத்தின் பிரிமியம் தொகை சராசரியாக 565 திர்ஹம் முதல் 650 திர்ஹம் மட்டுமே அடக்கம். இத்தகைய அடிப்படை மருத்துவ இன்ஷூரன்ஸ் திட்டத்தை அமீரகத்தில் செயல்படும் 50 கம்பெனிகளில் 9 கம்பெனிகள் மட்டுமே வழங்குகின்றன.

இந்நிலையில், வரும் டிசம்பர் 31 ஆம் தேதியுடன் நிறைவடைய உள்ள காலக்கெடுவால் அனைத்து இன்ஷூரன்ஸ நிறுவனங்களும் கடைசிநேர பொதுமக்களால் ஈக்களை போல் மொய்க்கப்பட்டுள்ளது.

முக்கிய இன்ஷூரன்ஸ் நிறுவனங்கள் வசூலிக்கும் அடிப்படை மருத்துவ இன்ஷூரன்ஸூக்கான பிரிமியம் பற்றிய விபரம்:
1. வீட்டுப் பணியாளர்களுக்கு திர்ஹம் 656 முதல் 650 வரை
2. மனைவியர்களுக்கு திர்ஹம் 1,650 முதல் 1,750 வரை (மகப்பேறு உடையவர்கள் கூடுதலாக செலுத்த நேரிடும்)
3. குழந்தைகளுக்கு திர்ஹம் 625 வரை

இந்த கட்டாய இன்ஷூரன்ஸ் திட்டம் துபைக்கு மட்டுமே பொருந்தும்.

Source: Gulf News

0 கருத்துரைகள்:

கருத்துரையிடுக

இந்த வலைதளம் வளர்ச்சிக்கு நிறை-குறைகளை சுட்டி காட்டவும்.உங்கள் வருகைக்கு ரோம்ப நன்றி.

 
Top
-