அஸ்ஸலாமு அலைக்கும் வரஹ்.. VKALATHUR.IN இணையதளம் தங்களை அன்புடன் வரவேற்கிறது...


எம்மா மொரானோ (Emma Morano) என்கிற இந்த 18 ஆம் நூற்றாண்டை சேர்ந்த மூதாட்டி இத்தாலி நாட்டின் வடபகுதியிலுள்ள மக்கியொரி ஏரி (Lake Maggiore) அருகில் அமைந்துள்ள வெர்பானியா (Verbania) எனும் நகரில் 1899 ஆம் ஆண்டு நவம்பர் 29 ஆம் நாள் பிறந்தவர்.

1938 ஆம் ஆண்டு தனது ஒரே மகன் குழந்தை பருவத்திலேயே இறந்ததை தொடர்ந்து கணவருடன் ஏற்பட்ட கருத்து வேறுபாட்டால் பிரிந்தவர் இன்று வரை தனித்தே வாழ்கிறார். 8 சகோதர, சகோதரிகளில் மூத்தவரான இவரைத்தவிர உயிருடன் யாருமில்லை, கணவர் உட்பட.

கடந்த 20 வருடங்களாக தனது அறையோடு நடமாட்டத்தை குறைத்துக் கொண்டவர். தற்போது கடந்த ஒரு வருடமாக பெரும்பாலான நேரம் படுக்கையே கதி என்றுள்ளார் என்றாலும் முன்பு தனது சுய தேவைகளுக்காக சாக்கு கம்பெனி ஒன்றில் வேலை பார்த்தவர்.

நவ.29 அன்று பிறந்த நாள் கொண்டாடும், வாழும் உலகில் அதிக வயதுடையவராக கின்னஸ் சாதனைக்குழு அங்கீகரித்துள்ள நிலையில் இவரை வாழ்த்துவதற்காக வெர்பானியா நகர மேயர் சில்வியா மர்சியொனினி, உறவினர்கள் பத்திரிக்கையாளர்கள் உடன் அமெரிக்கா, சுவிட்சர்லாந்து, ஆஸ்திரியா, டூரின், மிலன் என உலகின் பல பகுதியிலிருந்தும் வருகை தந்துள்ள முகம் தெரிய ஆர்வலர்கள் பலரும் கலந்து சிறப்பான ஏற்பாடுகளை செய்து வருகின்றனர்.

தனக்கு செய்யப்பட்டு வரும் பிறந்த நாள் ஏற்பாடுகளை பார்த்து புன்னகைக்கும் இவருக்கு பிறந்த நாள் கேக்கை சாப்பிட முடியாதாம், காரணம் ஒவ்வாமை. இவருடைய தினசரி உணவு 2 முட்டைகள் மற்றும் சில பிஸ்கட்கள் மட்டுமே. முதுமையின் காரணமாக கேட்கும் சக்தி, கண் பார்வை குறைபாடு, பற்களையும் முழுமையாக இழந்துவிட்டவர் மெல்லிய அளவில் ஓரளவு பேசுகிறார் என்றாலும் அவருடைய ஞாபக சக்தி அப்படியே இன்னும் உற்சாகமாக உள்ளது.



Source: Gulf News

0 கருத்துரைகள்:

கருத்துரையிடுக

இந்த வலைதளம் வளர்ச்சிக்கு நிறை-குறைகளை சுட்டி காட்டவும்.உங்கள் வருகைக்கு ரோம்ப நன்றி.

 
Top
-