அஸ்ஸலாமு அலைக்கும் வரஹ்.. VKALATHUR.IN இணையதளம் தங்களை அன்புடன் வரவேற்கிறது...




 


துபாய், ஆகஸ்ட் 22
துபாய், அபுதாபியை தொடர்ந்து ஷார்ஜாவிலும் குளிரூட்டப்பட்ட பஸ் நிறுத்தங்களை நிறுவ முடிவு செய்துள்ளதாக ஷார்ஜா ஊரக வளர்ச்சித்துறை ஆணையம் தெரிவித்துள்ளது. மொத்தமுள்ள 172 பஸ் நிறுத்தங்களிலிருந்து பயணிகள் அதிகம் பயன்படுத்தும் 28 தெரிவு செய்யப்பட்ட பேருந்து நிறுத்தங்களில் முதற்கட்டமாக இந்த சேவை அறிமுகப்படுத்தப்படவுள்ளது.

ஷார்ஜா ஊரக வளர்ச்சித்துறை (SUPC), ஷார்ஜா சாலை மற்றும் போக்குவரத்துத்துறை (SRTA), ஷார்ஜா மின்சாரம் மற்றும் தண்ணீர் வாரியம் (SEWA) ஆகியவை இணைந்து இந்த திட்டத்தை செயல்படுத்தவுள்ளனர். முழுக்க முழுக்க சூரிய ஒளி மின் தகடுகள் மூலம் சேமிக்கப்படும் மின்சாரம் இந்த பஸ் நிறுத்த குளிரூட்டிகளை இயக்கப் பயன்படுத்தப்படும்.

தினமும் சுமார் 176,000 பேர் பயன்படுத்தும் மேற்காணும் 28 பேருந்து நிறுத்தங்களிலும் மேலதிக சேவையாக பேருந்து நேர அட்டவணை மற்றும் பஸ் தடங்கள் குறித்த அறிவிப்புகளை மின்னனு தகவல் பலகை (Electronic Bulletin Board) வழியாக தொடர்ந்து அறிவிக்க ஏற்பாடு செய்யப்படும் எனவும் அறிவிக்கப்பட்டுள்ளது.

Source: Gulf News
தமிழில்: 
அதிரை நியூஸ்:

0 கருத்துரைகள்:

கருத்துரையிடுக

இந்த வலைதளம் வளர்ச்சிக்கு நிறை-குறைகளை சுட்டி காட்டவும்.உங்கள் வருகைக்கு ரோம்ப நன்றி.

 
Top
-