அஸ்ஸலாமு அலைக்கும் வரஹ்.. VKALATHUR.IN இணையதளம் தங்களை அன்புடன் வரவேற்கிறது...








புகைப்படங்களை பகிரவும்
சென்னை : அனைத்து இல்லங்களுக்கும் குறைந்த செலவில் இணைய இணைப்புகள் வழங்கவுள்ளதாக தமிழக முதலமைச்சர் ஜெயலலிதா கடந்த ஆண்டு சட்டப்பேரவையில் விதி எண் 110-ன் கீழ் அறிவித்தார். இதன் மூலம் ,தமிழ்நாட்டிலுள்ள 12,524 கிராம ஊராட்சிகளும் ஆப்டிகல் பைபர் மூலம் இணைக்கப்பட்டு ,பொதுமக்கள் தங்கள் இல்லங்களில் குறைந்த செலவில் தரமான இணைய இணைப்புகளை பெற்று பயன்பெற முடியும் என்று முதலமைச்சர் ஜெயலலிதா அறிவித்திருந்தார்.

இந்நிலையில் , தமிழ்நாடு அரசு கேபிள் டிவி நிறுவனத்தைச் சேர்ந்த "அரசு ஃபைபர் "(இல்லந்தோறும் இணையம் ) தனது டாரிப் பட்டியல் விவரங்களை அறிவித்துள்ளது.இந்த டாரிப் பட்டியல் மூலம் வாடிக்கையாளர்களுக்கு 6 பிளான்களை வழங்குகிறது.
அதன்படி குறைந்தபட்சம் ,மாதம் கட்டணமாக 299 ரூபாய் செலுத்தி, 2 ஜிபி டேட்டாவை 2 எம்பிபிஎஸ் வேகத்தில் பெறலாம் என்றும் அதிகபட்சமாக மாதம் 899 ரூபாய் செலுத்தி, 40 ஜிபி டேட்டாவை 4 எம்பிபிஎஸ் வேகத்தில் பெறலாம் என்று அறிவித்துள்ளது.
அதுமட்டுமில்லாமல் , மாதத்திற்கு பதிவிறக்கும் அளவுக்கு மேல் உபயோகித்தால் கூடுதலாக , 5 ஜிபி க்கு 99 ரூபாயும், 10 ஜிபிக்கு 149 ரூபாயும் வசூலிக்கப்படும் என்று தமிழ்நாடு அரசு கேபிள் டிவி நிறுவனம் (அரசு ஃபைபர் )தெரிவித்துள்ளது.
மேலும் பிற சந்தேகங்களுக்கு "1800 425 2911" என்ற கட்டணமில்லா தொலைபேசி எண்ணை அறிவித்துள்ளது.

0 கருத்துரைகள்:

கருத்துரையிடுக

இந்த வலைதளம் வளர்ச்சிக்கு நிறை-குறைகளை சுட்டி காட்டவும்.உங்கள் வருகைக்கு ரோம்ப நன்றி.

 
Top
-